བོད་པའི་ངག་རྒྱུན་དང་གསུར་རབ་ཀྱི་ལེགས་སྐྱེས་ལ་བརྟེན་ནས་གོ་ལ་ཡོངས་ཀྱི་གོ་རྟོགས་ ཡར་རྒྱས་ཕྱིན་པ་དང་འགྲོ་སྲིད་སྐོར། (ཡིག་ཆ་སྙིང་བསྡུས།)

(རྩོམ་བྲིས་ཐུང་བ།)

བོད་ཀྱི་རིག་གཞུང་ནི་ཞང་ཞུང་དང་།རྒྱ་གར།རྒྱ་ནགགྷི་རིགཔེར་ཤི་ཡ།ལི་ཡུལ་(Khotan)།ཏུར་ཀི་སི་ཐན་བཅས་རིག་གཞུང་དར་ཁྱབ་མང་པོ་ཞིག་ལ་བརྟེན་ནས་བྱུང་།འོན་ཀྱང་བོད་ཀྱི་རིག་གཞུང་དེ་གཡོ་བ་མེད་པ་དང་ཁེར་རྐྱང་དུ་མ་གནས་པར།དར་གོས་ལམ་ (Silk Route) བརྒྱུད་སོག་ཡུལ་དང་།རྒྱ་ནག་བྱང་ཁུལ།ཧི་མ་ལ་ཡའི་རི་རྒྱུད་བཅས་ཀྱི་ཉེ་འཁོར་གྱི་མི་གཞན་མང་པོར་འབྲེལ་གཏུགས་བྱས་ཡོད།དེ་ལྟར་བོད་ཀྱིས་ལོ་ནས་ལོ་བརྒྱུད་གོ་ལ་ཡོངས་ཀྱི་གོ་རྟོགས་གོང་འཕེལ་ཡོང་སླད་ལེགས་སྐྱེས་ཆེན་པོ་ཕུལ་ཡོད།དེའི་ཉེར་འབྲས་སུ།ཡུ་རོབ་ཀྱི་དུས་རབས་བར་མའི་སྐབས་རོ་མན་རིག་གཞུང་དང་ལ་ཊིན་རིག་གཞུང་དང་འདྲ་བར།ཆ་ཤས་དུ་མ་ལྡན་པའི་བོད་པའི་རིག་གཞུང་དང་སྐད་ཡིག་གིས་དབུས་ཨེ་ཤི་ཡའི་ནང་གཅིག་འགྱུར་ཡོང་བར་མཛད་རྗེས་རླབས་ཆེན་བཞག་ཡོད།

དུས་རབས་ཉི་ཤུ་ཐམ་པའི་དུས་དཀྱིལ་ནས་བཟུང་། བོད་ཀྱི་རིག་གཞུང་གི་རྣམ་པ་མང་པོ་ཞིག་ཕྱིའི་ཡུལ་གྲུ་ཁག་ཏུ་དར་ཁྱབ་སོང་དང་འགྲོ་བཞིན་པ་ཡིན། དེར་བརྟེན་ད་ཆ་བོད་རྒྱུད་ནང་ཆོས་ནི་གོ་ལ་ཡོངས་སུ་ཁྱབ་ཡོད། དེ་ཡང་བོད་མི་རྣམས་རྒྱ་གར་དང་བལ་ཡུལ་ནང་བཙན་བྱོལ་ཏུ་འབྱོར་ནས་བོད་ཀྱི་སྐད་ཡིག་དང་རིག་གཞུང་སློབ་གཉེར་བྱེད་པའི་མཐུན་རྐྱེན་དང་གོ་སྐབས་ཇེ་མང་དུ་སོང་བའི་རྒྱུ་ལས་བྱུང་། གཞན་ཡང་སེམས་དོན་རིག་པའི་ཐབས་ལམ་ཐད་གོ་རྟོགས་སྤེལ་བ་དང་བསམ་ཚུལ་བརྗེ་ལེན་བྱེད་ཕྱོགས་གོང་འཕེལ་གཏོང་སླད་བོད་པའི་སློབ་དཔོན་རྣམས་ཀྱིས་འཛམ་གླིང་ནང་གི་ཆོས་རྒྱུད་ཆེ་ཁག་གཞན་གྱི་མཁན་པོ་དང་སློབ་དཔོན་རྣམས་དང་བཀའ་བསྡུར་ལྷུག་པོ་གནང་ཡོད། དེ་བཞིན་ཁོང་རྣམས་ཀྱིས་ཕུལ་བྱུང་གི་ཚན་རིག་པ་རྣམས་དང་། སེམས་ཁམས་རིག་པ་སྨྲ་བ། ལྟ་གྲུབ་སྨྲ་བ། ཚོང་པ། ཆབ་སྲིད་པ་བཅས་ལ་སོ་སོའི་ཐུགས་རྒྱུད་ཀྱི་མཁྱེན་པ་དང་ཉམས་མྱོང་རྣམས་སྤེལ་རེས་གནང་ཡོད།

...

http://www.BerzinArchives.com/web/bo/archives/approaching_buddhism/world_today/contribution_tib_oral_textual_heritage/abstract.html