བདག་གཞན་མཉམ་བརྗེའི་སེམས་སྐྱེད་ཚུལ།

(སྒྱུར་འབྲིང་།) – སེར་ཀོང་མཚན་ཞབས་རིན་པོ་ཆེ། ༡

གཞན་སེམས་ཅན་གྱི་ཆེད་དུ་མཐའ་གཅིག་ཏུ་བསྔོ་བ་དང་དེ་དག་ལ་ཕན་འདོགས་ཆེད་རང་ཉིད་སངས་རྒྱས་ཀྱི་གོ་འཕང་འཐོབ་པར་བརྩོན་པའི་བྱང་ཆུབ་ཀྱི་སེམས་སྦྱོང་བའི་སྲོལ་རྒྱུན་གཉིས་ཡོད་དེ། རྒྱུ་འབྲས་མན་ངག་བདུན་གྱི་སྒོ་ནས་སྦྱོང་བ་དང་བདག་གཞན་མཉམ་བརྗེའི་སྒོ་ན་སྦྱོང་བ་ཡིན། དེ་གཉིས་སོ་སོར་སྔོན་འགྲོའི་བཏང་སྙོམས་ཀྱི་བློ་སྦྱོང་བའི་ཚུལ་ཐ་དད་ཡོད། མ་གཞི་བཏང་སྙོམས་ཞེས་པའི་མིང་གཅིག་པ་ཡིན་ཀྱང་གང་སྦྱངས་པའི་བཏང་སྙོམས་གཉིས་མི་འདྲ།

༡) རྒྱུ་འབྲས་མན་ངག་བདུན་གྱི་བློ་སྦྱོང་ཚུལ་ནང་སེམས་ཅན་ཐམས་ཅད་རང་གི་མ་བྱེད་མྱོང་ཡོད་པ་ངོས་འཛིན་བྱེད་པའི་སྔོན་དུ་སྐྱེད་དགོས་པའི་བཏང་སྙོམས་ནང་རང་གི་མཉེན་དང་། དགྲ། བར་མའི་སེམས་ཅན་དམིགས་རྣམ་དུ་བྱེད་པ་གཏོགས་ཡོད་པ་དང་། བཏང་སྙོམས་དེ་ལ་བརྟེན་ནས་ང་ཚོས་ཆགས་ཞེན་དང་འཁོན་འཛིན་གྱི་ཚོར་བ་སྤོང་བར་བྱེད། མདོར་ན་དེའི་མིང་གཅིག་ནི་བཏང་སྙོམས་ཙམ་ཞེས་བྱ་ཞིང་། རང་གི་གཉེན་དང་། དགྲ། བར་མའི་སེམས་ཅན་ལ་ཆགས་པ་དང་སྡང་བ་ཟློག་པར་བྱེད། འདིར་ཙམ་སྒྲས་སེམས་སྦྱོང་གི་ཐབས་གཉིས་པ་དེའི་ནང་འགྲེལ་བཤད་ལྷག་པོ་ཡོད་པར་བསྟན།

གཞན་ཡང་བཏང་སྙོམས་དང་པོའི་མིང་ནི་ཉན་རང་དང་ཐུན་མོང་བའི་བཏང་སྙོམས་སྦྱོང་བའི་ཚུལ་ལ་བརྟེན་ནས་བསྐྱེད་པའི་བཏང་སྙོམས་ཙམ་ཞེས་བྱ། ཉན་རང་ནི་སངས་རྒྱས་ཀྱི་ཆོས་ནས་གསུང་པའི་ཐེག་དམན་གྱི་ཉམས་ལེན་པ་རིགས་གཉིས་ཡིན། འདིར་ཙམ་སྒྲས་ང་ཚོར་མེད་པ་དང་བྱང་ཆུབ་སེམས་ཀྱི་མ་ཟིན་པའི་བཏང་སྙོམས་ཤིག་སྟོན་གྱི་ཡོད།

༢) བདག་གཞན་མཉམ་བརྗེའི་སྔོན་འགྲོར་སྦྱོང་བའི་བཏང་སྙོམས་དེ་ནི་བཏང་སྙོམས་གོང་ན་མེད་པ་ཙམ་མ་ཟད་དེ་ནི་སེམས་ཅན་ཐམས་ཅད་ལ་ཕན་འདོགས་པ་དང་དེ་དག་གི་དཀའ་ངལ་སེལ་བའི་རང་གི་ཡིད་དམ་ངག་གི་བྱ་སྤྱོད་ཀྱི་ཐོག་ནས་ཉེ་རིང་ཅི་ཡང་མེད་པའི་བཏང་སྙོམས་ཤིག་ཡིན། དེ་ནི་ཁྱད་དུ་འཕགས་པ་ཞིག་དང་། ཐེག་ཆེན་ཐུན་མོང་མ་ཡིན་པའི་བཏང་སྙོམས་སྦྱོང་ལུགས་ཤིག་ཡིན།

བཏང་སྙོམས་ཙམ།

...

http://www.BerzinArchives.com/web/bo/archives/sutra/level2_lamrim/advanced_scope/bodhichitta/equalizing_exchanging_attitudes.html