ཆོས་ལུགས་ཀྱི་མཚམས་ལས་འདས་པའི་བཟང་སྤྱོད།

(སྒྲ་ཡིག་འབེབ་སྒྱུར་འབྲིང་བ།) – ༸གོང་ས་༸སྐྱབས་མགོན་ཏཱ་ལའི་བླ་མ་སྐུ་ཕྲེང་བཅུ་བཞི་པ་ཆེན་པོ།

རིམ་པ་གཉིས་པའི་ཁྱད་པར་ཐོག་དོ་སྣང་ཆེ་བ་བྱེད་པའི་སྐྱོན་ཆ།

བརྩེ་བའི་གཅེན་གཅུང་ཚོ་དེ་རིང་ཁྱེད་རྣམས་དང་སྐད་ཆ་ཤོད་རྒྱུའི་གོ་སྐབས་བྱུང་བས་ངོས་རང་ཧ་ཅང་དགའ་པོ་བྱུང་། ངས་མི་རྣམས་ལ་སྐད་ཆ་ཤོད་པའི་སྐབས་གསལ་པོར་ནན་བརྗོད་བྱ་འདོད་པ་ཞིག་ལ་ཐོག་མར་རང་ཉིད་འགྲོ་བ་མི་ཞིག་ཡིན་པ་དྲན་དགོས་པ་ཡིན། དེ་ཡང་དཔེར་ན། ང་ཚོས་ང་ སུད་སིའི་མི་ཡིན། ང་ཨི་ཊ་ལིའི་མི་ཡིན། ང་ ཧྥ་རན་སིའི་མི་ཡིན་སོགས་བསམ་བློ་གཏོང་མི་ཉན། དེ་བཞིན་ངའི་སྐད་སྒྱུར་བས་རང་ཉིད་ ཧྥ་རན་སིའི་མི་ཡིན་པ་དང་། ངས་རང་ཉིད་བོད་མི་ཡིན་ཞེས་བསམ་བློ་གཏོང་རྒྱུ་མེད། དེར་མ་ཟད་ངས་རང་ཉིད་ནང་པ་ཞིག་ཡིན་པའི་ཆ་ནས་བསམ་བློ་གཏོང་མི་རུང་། གང་ཡིན་ཟེར་ན། སྤྱིར་བཏང་ནས་ངས་སྐད་ཆ་ཤོད་སྐབས། མི་ཚེའི་ནང་སྐྱིད་པོ་དང་བར་ཆད་ཉུང་བ་ཡོང་བའི་ཐབས་སུ་རང་ཉིད་མི་ཞིག་ཡིན་པའི་ཐོག་ལ་བསམ་བློ་གཏོང་རྒྱུ་དེ་ཡིན་ཅེས་བརྗོད་ཀྱི་ཡོད།

མི་ཐེར་འབུམ་བདུན་ཡོད་པས་ལས་ཚང་མས་མི་ཚེ་སྐྱིད་པོ་ཞིག་འདོད་ཅིང་། ཚང་མར་དམིགས་ཡུལ་དེ་སྒྲུབ་པའི་ཐོབ་ཐང་ཡོད། དཔེར་ན། ང་བོད་པ་ཡིན་ཞེས་པ་ལྟ་བུའི་རིམ་པ་གཉིས་པའི་ཁྱད་པར་ཐོག་དོ་སྣང་ཤུགས་ཆེ་བ་བྱས་ན། བོད་ལྟ་བུ་བྱེ་བྲག་པ་ཞིག་ལ་སེམས་ཁུར་བྱེད་པ་ལྟ་བུ་མངོན་སྲིད། ང་ནང་པ་ཡིན་ཞེས་བརྗོད་ན་ནང་པ་གཞན་ཚོར་ཉེ་བའི་ཚོར་བ་སླེབ་སྲིད། འོན་ཀྱང་ཆོས་ལུགས་གཞན་ལ་ཚོར་བ་རང་བཞིན་གྱིས་ཐག་རིང་བ་ཡོང་གི་ཡོད།

ལྟ་ཚུལ་དེ་དག་ནི་དོན་དངོས་ཐོག་འདས་པའི་དུས་སུ་ཕྲད་པ་དང་དུས་རབས་ཉི་ཤུ་རྩ་གཅིག་པའི་ནང་འཕྲད་སྲིད་པའི་དཀའ་ངལ་དང་འགྲོ་བ་མིའི་དྲག་སྤྱོད་ཐེ་བའི་དཀའ་ངལ་གྱི་རྒྱུ་ཡིན། ཅི་སྟེ་རང་དང་འདྲ་བར་མི་གཞན་རྣམས་འགྲོ་བ་མིར་བརྩི་འཇོག་བྱས་ན་དྲག་སྤྱོད་ནམ་ཡང་མི་ཡོང་། དེ་ལྟར་ཕན་ཚུན་གསོད་རེས་བྱེད་དགོས་པའི་རྒྱུ་མཚན་མེད། ང་ཚོས་ངའི་རྒྱལ་ཁབ་དང་། ཁོང་ཚོའི་རྒྱལ་ཁབ།...

http://www.BerzinArchives.com/web/bo/archives/approaching_buddhism/world_today/ethics_beyond_religion.html